A Compañía

Nao Caracola é unha nova compañía que nace da man de Marián González coa vocación de plasmar o aprendido, o interiorizado ao longo de case corenta anos de profesión e investigación nesta marabillosa arte que é a dos monicreques.

Tras longos anos de formación e traballo con distintas compañías, en 1996 xunto a Luis González fundamos a compañía Títeres Tompicallo tristemente desparecida en 2020. Con ela producimos once espectáculos que participaron en distintas redes e festivais por todo o territorio nacional. Queimamos moita roda durante eses anos.

Agora, despois de máis de dous anos de traballo Nao Caracola presenta o seu primeiro espectáculo, “Esperta o rinoceronte”.

Porque nunca é tarde para empezar de novo, para establecer un novo obxectivo, para soñar un novo soño.